ИСТАНБУЛ 2 НП

ВО АПРИЛ –МЕСЕЦОТ НА ЛАЛЕТО (ВЕЛИГДЕН)

13.04-16.04.2023

 

ИСТАНБУЛ,градот на два континента,градот на Босфорот,градот на културата,традицијата,на различностите,на воодушевувањето…

Секоја пролет овде се одржува годишниот фестивал на лалињата. Фестивалот се одржува во април, милиони миризливи цвеќиња се засадени насекаде на плоштадите и градските авении, формирајќи спектакуларни пејзажни композиции. Во април бујните цветни леи во Истанбул се гледаат буквално секаде каде што ќе погледнете.Ве водиме во паркот Емирган…

                                

13.04.2023 (Четврток) Велес  – Истанбул

Состанок на групата во попладневните часови во зависност од трансферите –можност за поаѓање од Неготино,Кавадарци,Штип,Велес,Скопје,Куманово. Поаѓање за Истанбул. Ноќно возење со попатни паузи за одмор и царински формалности.

14.04.2023 (Петок) Истанбул

Пристигнувањето во Истанбул вo утринските часови. Оставање на багажот во хотел и сместување доколку има можност.Поаѓање на пешачки разглед  со локален водич  до Капали Чаршија,Сината Џамија (Sultan Ahmet Camii) една од најкласичните разгледници на Турција која се истакнува на небото на Истанбул  и Света Софија  (Ayasofya Camii)  или Црквата на Пресветата Мудрост,која претставува поранешна православна базилика,која во текот на својата историја била џамија ,па музеј и денес  повторно џамија. Факултативна посета на Топ Капи палатата- главното седиште на администрацијата на Османлиското Царство во периодот помеѓу 1456 до 1853 година.

Слободно време за  разглед/кафе и индивидуално враќање  до хотел.

Сместување во собите.

Во попладневните часови следува факултативен полудневен разглед:

Облакодерот Сафир

Групата продолжува во посета на облакодерот Сафир. На најгорниот кат на кулата Сафир има отворена стаклена тераса со 360 степени поглед. Овде имате можност да ги направите најдобрите фотографии кон азиската и европската страна на градот. Исто така виртуелно преку симулацијата Skyride 4D Istanbul ви дава можност да пристапите и да го почувствувате она што се гледа од терасата за набљудување. Хеликоптерот што тргнува од Терасата за набљудување ги пречекува посетителите на трговскиот центар Sapphire; Ве води на едно фасцинантно патување кое го вклучува сјајот на Босфорот, волшебноста на Моминската кула, величественоста на Света Софија, мистеријата на палатата Топкапи, огнените танци во базиличната цистерна и дервишите кои се вртат во стравопочит.

Плоштадот  Таксим

Најпознатиот плоштад во Истанбул на Европската страна со својата прочуена пешачка улица Истиклал на која се движи познатиот трамвај. Главниот центар на градот, на кој се одржуваат главните митинзи и прослави. Полна со многубројни бутици, кафичи, ресторани и познати дискотеки.

-Галата Кула

Една од најпрекрасните глетки во Истанбул, со поглед на „Бејоглу“ и „Каракој“ од својата неверојатна локација. Неговите шарени светла можат да се видат ноќе од целиот град, па затоа е една од најпознатите туристички дестинации меѓу посетителите во градот. Оваа кула е една од најпознатите туристички атракции во градот, без разлика дали поради својата традиција, геометриска форма или посебна географска локација  .

Враќање во хотел.

Ноќевање.

15.04.2023 (Сабота) Истанбул

Појадок.Собир во договореното време на рецепција и упатување кон предвидените активности.

Овој ден е планиран за целодневна факултативна екскурзија.

– Панорамски разглед на градот со локален водич,

Се возиме покрај брегот на Златниот Рог кој скоро завршува  кај едно панорамско возвишување наречено Пјер Лоти, според францускиот поет. Со жичара се искачуваме до видиковецот. Можност да го испиете утринското турско кафе направено на топол песок  уживајќи во прекрасната панорама на Истанбул под нас. 

Продолжуваме кон Балат каде е сместена и  Вселенската Патријаршија и старата грчка гимназија.

 

Историска и филмска населба Балат

Факултативна посета на шарената филмска населба „Балат“. Оваа стара област е исполнета со прекрасни дрвени куќи во боја и кафулиња веднаш ќе ви овозможат убави вибрации. Едно од иконите и најфотографираните места во Истанбул се куќите во улицата Киремит. Куќи насликани со пастел кои создаваат жива улична сцена. Тоа е толку тивка и релаксирачка област за престој, помеѓу локалното население, далеку од зафатениот град. Балат важи за една од христијанските населби во Истанбул, Овде ќе ја видиме и Вселенската Патријаршија која помагала за ширењето на христијанството во овој дел, исто така овде во црквата Свети Ѓорѓија можете да го видите еден од клиновите со кој бил распнат Исус Христос.

 

Крстарење по Босфор
Ова е крстарење од час и половина, незаборавно доживување, еден поинаков Истанбул, сите луксузни вили кои вредат милиони, знаменитостите и сите познати вили од играните серии ќе можете да ги погледнете одблизу а ќе  уживате и во прекрасниот  поглед на Моминската кула.

 

Посета на Долмабахче палатата

Долмабахче Сарај е палата што се наоѓа во областа Бешикташ во Истанбул, на европската страна од протокот Босфор. Комплексот служел како резиденција на Отоманските султани и главен административен центар, од 1856 година, до падот на Империјата во 1922 година. Денес, Долмабахче Сарај претставува туристичка атракција од неколку причини.  Сарајот е познат уште и по тоа што таткото на модерната Турција, Мустафа Кемал Ататурк, ги поминал своите последни денови во една од одаите, каде што и починал на 10 ноември, 1938 година.

Emaar Square Mall
Emaar Square Mall е нова атракција во Истанбул која се наоѓа во азискиот дел на градот и преставува една од најатрактивните места кои треба да се посетат.Овој трговски центар годишно во просек го посетуваат 25 милиони посетители.Слободно време за шопинг и ручек.

WaterGarden
Покрај Emaar Square, групата го посетува и Watergarden. Ова дестинација е на нашата листа, бидејќи нуди посебно доживување,огромните фонтани, обоени од многуте светла, кои танцуваат на песните го прават овој трговски центар посебен. Овој трговски ценар го става Истанбул рамо до рамо со Дубаи.

Враќање во хотел.Слободно време за индивидуални активности и прошетка низ Аксарај/Лалели.

Факултативна вечера во турски ресторан Гар-вечера,неограничено пиење со музика и  шоу програма.

16.04.2023 (Недела) Истанбул – Велес 

Појадок и одјавување од хотел.

Продолжуваме кон паркот Емирган,главната локација за фестивалот на лалињата во Истанбул .Ова е еден од најдобрите паркови во Истанбул со поглед на Босфорот, со  над 120 различни сорти на лалиња засадени во различни модели и форми во милионски број.

Иако Емирган е убав во текот на целата година, цветните изложби за време на фестивалот на лалињата во Турција се нереални.

Посета на продавницата КОСКА каде може да купите локум, баклава и традиционални благи работи за дома.

По посетата на оваа продавница, одиме во трговскиот центар Форум каде што се наоѓа и аквариумот Туркуазу (SEA LIFE ISTANBUL).Центарот се протега на 175,000 квадратни метри.Има 270 локални и светски брендови  а дел од него е и аквариумот,еден од најголемите во Европа со 83 метри океански тунел.Во него живеат 25000 морски животни меѓу кои се тигар-ајкула пирани и октоподи.За посетителите е можно да ги набљудуваат животните преку стакло,аквариумот е во склоп на самиот трговски центар и откако ке завршите со неговата посета можете да одите на шопинг во трговскиот.

Слободно време за шопинг и во договореното време поаѓање кон Македонија.

Предвидено е пристигнување во Македонија во раните утрински часови следниот ден.

• ПРОМО цена на аранжманот 109 ЕВРА ПО ЛИЦЕ/ 6.760 МКД за резервации до 20.03.2023
• ЦЕНА 129 ЕВРА ПО ЛИЦЕ / 8.000 МКД  

 

 

• Во цената на аранжманот е вклучено:

-Две ноќевања со појадок во хотел со 3* во областа Лалели
-Автобуски превоз,

-Панорамски разглед со локален водич;

-Посета на Капали Чаршија,Сината Џамија и Света Софија со локален водич;
-Посета на турската продавница „Коска“
-Шопинг во Форум центарот

-Лиценциран придружник,
-Лиценциран туристички водич

• Во цената на аранжманот не е вклучено:

Патничко осигурување

Факултативни излети

Индивидуални трошоци

  

ФАКУЛТАТИВНИ ИЗЛЕТИ

! Задолжително е пријавување за еден од пакетите ! 

-Пакет 1- полудневен разглед- Облакодерот Сафир + плоштад Таксим+ посета на Галата кулата 35€ ;  (екскурзиите од овој пакет не се купуваат одделно) 

-Пакет 2- целодневен разглед – Панорамски разглед + Пјер лоти +Балат+ Вселенската патријаршија+Крстарење по Босфор+ Ноќен Истанбул (Emmar Square Mall, Watergarden) 65 € евра (екскурзиите од овој пакет не се купуваат одделно) 

-ДОЛМАБАХЧЕ САРАЈ – 40 € влезница + локален водич

ТОП КАПИ ПАЛАТА – 40 € влезница + локален водич 

-ВЛЕЗНИЦА ВО SEA LIFE ISTANBUL АКВАРИУМ – 30 €

– ЕМИРГАН ПАРК -10€

     ВИП ПАКЕТ(ги опфаќа сите фак.разгледи освен палатите Долмабахче и Топ Капи) 125 €

           

ВАЖНО

• Валидност на пасошот 6 месеци пред истекување од моментот на влез и излез од Р. Турцијa
• Цените се изразени во евра, а курсот на еврото се пресметува 62 денари
• За еднокреветна соба се доплаќа 50 евра
• Хотелот одредува на лице место во зависност од моменталната состојба каков тип на соба ќе добиете. Резервации за одреден кат или страна не е можна.
• Селекција на седиште во автобус- Според правилата на агенцијата, патниците се сместуваат според временската линија на уплати. Доколку имате барање за седиште, истото се доплаќа 15 евра за во два правци.
• Патувањето ќе се одвива според протоколите за безбедноста на здравјето.
• За Турција не важат никакви мерки за ковид.

• Со оваа програма важат Општите услови на Т.А. Анамари Травел март